चंद्रावरती दोन गुलाब
Chandravarati Don Gulab
ग. दि. माडगूळकर
चंद्रावरती दोन गुलाब
सहज दृष्टिला घडला लाभ
उंच इमारत संगमरवरी
उभी गवाक्षी यवनसुंदरी
पडदा सारून बघे बावरी
गोल चेहरा नयनी शराब
पथक सोडुनी वळे वाकडा
थयथय नाचत अबलख घोडा
वरिल मराठा गडी फाकडा
दुरुन न्याहळी तिचा रुबाब
किंचित ढळती निळी ओढणी
भाळावरती हळूच ओढुनी
तीही न्याहाळी त्यास मोहुनी
नयनांचे मग मुके जबाब
तोच येउनी भिडली काना
राघोबाची मेघगर्जना
नगरपार ही चलू द्या सेना
वळला घोडा सरला लाभ
अटकेवरती झेंडा रोवुनी
पुण्यास आल्या परत फलटणी
तरीही त्याच्या मनी लोचनी
तरळत होते एकच ख्वाब