कुबेराचं धन माझ्या शेतात
Kuberacha Dhan Majhya
पी. सावळाराम
देवावाणी शेत माझं नवसाला पावलं
कुबेराचं धन माझ्या शेतात घावलं
झाकली मूठ ही मिरगानं फेकली
निढळाची धार ती सर्गानी शिंपली
बाळरूप कोवळं शिवारात हासलं
धरतीच्या माउलीनं दिनरात पोसलं
तरारुन आला भरा, गहू हरभरा
शाळूराजा डुलतोय झुलवीत तुरा
तरुणपण जवारीनं पानाआड झाकलं
चोच मारून पाखरू पिकामधी लपलं
कुबेराचं धन माझ्या शेतात घावलं
मोटेवरी रंगली ढंगदार लावणी
घुमवीत गोफणी सुरू झाली राखणी
लक्ष्मी ही देखणी रूप तिनं दावलं
दिवसाच्या डोळियांत नाही बघा मावलं
कुबेराचं धन माझ्या शेतात घावलं