मला म्हणत्यात हो पुण्याची

Mala Mhanatyat Ho

मा. दा. देवकाते

एक पावना कुठून तरी आला
भुलला माझ्या गोर्‍या रंगाला
मी म्हनलं करू नगंस थाट
अशी लावली मी कैकांची वाट
मोठ्यामोठ्यांची केली मी दैना, दैना, दैना
मला म्हणत्यात हो म्हणत्यात पुण्याची मैना

माझ्या गालावर पडते खळी, पडते खळी
नाक माझं बाई चाफेकळी, चाफेकळी
मला बघुन लाजतोय ऐना, ऐना, ऐना
मला म्हणत्यात हो म्हणत्यात पुण्याची मैना

गोरागोरा सुंदर माझा चेहरा
बटांची नागीन देते पहारा
माझा पदर डोईवर राहिना, राहिना, राहिना
मला म्हणत्यात हो म्हणत्यात पुण्याची मैना

तो पाहुणा सारखाच बघतोय् ग बघतोय्
कसा गर्दीत खेटून चालतोय ग चालतोय्
येतो मागून पुढं काही जाईना, जाईना, जाईना
मला म्हणत्यात हो म्हणत्यात पुण्याची मैना

From https://www.aathavanitli-gani.com/Song/Mala_Mhanatyat_Ho