ने मज पैलतिरी

Ne Maj Pail Tiri
राजा बढे
ने मज पैलतिरी
कोण कुणाची जलराणी ग सांग सखे सुंदरी

मी धीवरकुंवरी या यमुनेवरि, चालविते फेरी
ही सुकुमारी तरी कशि ग नेशिल पैलतिरी

राजया, चला या जलांत माझी नौका
भिउं नका मुळी अंतरी, बघा तरि माझी चलचातुरी
मनामनांचा सुरेख संगम, तरंगते अंतरी
ने मज पैलतिरी

सोडशील का गे नाव माझियासाठी
सोडीन नाव राजया प्रीतिच्या पाठी
देईन जिवाचें मोल अशा अवसरी, ग योजनगंधे
ने मज पैलतिरी

तुम्ही थोर, मी अशी साधीभोळी पोर
देतांच अधिक मज म्हणतिल बाई चोर
मी चकोर तूझा, तूं चंद्राची कोर
नका येउं जवळि ही कलेल बाई तरी
ने मज पैलतिरी

मत्‍स्‍यगंधे, ये सवे ही शांतवायातें तनू
भाळला गे यौवना हा मोहवेडा शंतनू
भलतीच बाइ ही तुमची चांचेगिरी
ने मज पैलतिरी