पिंगा घाल ग गौळणी

Pinga Ghal Ga Gaulani

ग. दि. माडगूळकर

पिंगा घाल ग गौळणी, आले शारंगपाणी

आकाशीच्या चांदासाठी
फिरती चांदण्या अनंतकोटी
चमकत त्यांच्यावाणी,
पिंगा घाल ग गौळणी, आले शारंगपाणी

गुणगुण गाणे गातो भुंगा
कळ्या उधळती सुगंधरंगा
डोलत त्यांच्यावाणी,
पिंगा घाल ग गौळणी, आले शारंगपाणी

नभी विजेच्या उठती रेखा
मोर नाचतो उभवून पंखा
नाचत त्यांच्यावाणी,
पिंगा घाल ग गौळणी, आले शारंगपाणी

तक्कई तक्कई माझा पिंगा
येई तकतकी गोर्‍या रंगा
केतकीपानावाणी,
पिंगा घाल ग गौळणी, आले शारंगपाणी

पिंगा गोर्‍या रंगाचा ग
चपळ गोजिर्‍या अंगाचा ग
तहान दिसते नयनी
पिंगा घाल ग गौळणी, आले शारंगपाणी

From https://www.aathavanitli-gani.com/Song/Pinga_Ghal_Ga_Gaulani