ती पहा ती पहा बापुजींची
Ti Paha Bapujinchi Pran
मनमोहन नातू
ती पहा ती पहा बापुजींची प्राणज्योती
तारकांची सुमनमाला देव त्यांना वाहती
झुंजला राजासवें हा रंगला रंकासवें हा
पेटतां देहेहि आतां दिव्यता दावुनी जाती
चंदनाचें खोड लाजे हा झिजे त्याहूनही
आज कोटी लोचनींच्या अश्रुमाला सांडिती
पृथ्वीच्या अक्षांशीं लाली पृथ्वीच्या रेखांशीं लाली
चार गोळ्या ज्या उडाल्या दशदिशांना कापिताती
नांव ज्यांचें ऐकुनिया थरकली सिंहासने
ना धरी तलवार हाती हा अहिंसेचा पुजारी
सत्य मानी देव आणि झुंजला खोट्यासवें
मृत्युच्या अंतीम वेळी नांव रामाचें मुखीं
सिंधु गंगा आणि यमुना धन्य झाली अस्थिंनी
राख तुझी भारताच्या तिलक झाली रे ललाटी