तुला पाहते रे
Tula Pahate Re
वैभव जोशी
हाक देता तुला साद जाते मला
वेगळे प्रेम हे वेगळा सोहळा
कोण जाणे जीवनाचा खेळ आहे हा कसा
चेहराही तूच माझा, तूच माझा आरसा
तुला पाहते रे !
पाहिले मी तुला पाहताना मला
पाहता पाहता हात हाती दिला
वेचताना वाटतो हा पारिजाताचा सडा
आणि माझा स्पर्श ज्याचे नाव सांगे केवडा
तुला पाहते रे !
तू जुनी पालवी, तू ऋतूही नवा
ऊनही तूच तू, तूच तू गारवा
ओळखीचा डोह आहे, ओळखीचा भोवरा
काय सांगू आठवांना हा खरा की तो खरा?
तुला पाहते रे !
सूर आहेस की मौन आहेस तू
का कळेना मला कोण आहेस तू
बोलक्या डोळ्यांत दिसते ओठ मिटली शांतता
भूतकाळाच्या किनारी थांबुनी ही आर्तता
तुला पाहते रे !